İngiltərə Premyer Liqasının 32-ci turunda “Liverpul” “Lids”in qonağı olub. Avrokuboklara vəsiqə uğrunda mübarizə aparan Mersisaydlılar meydana qələbə əzmilə çıxmışdılar. İlk dəqiqələrdən üstünlüyə yiyələnən “Liverpul” futbolçuları ilk hissədə istəklərinə çatıblar. 31-ci dəqiqədə hesab açılıb. Sadio Mane fərqlənib. Fasiləyə üstün yollanan qonaqlar ikinci yarıda qapılarını toxunulmaz saxlamağa çalışıblar. Amma Yurgen Kloppun komandası meydan sahiblərinin hücumları çox tab gətirə bilməyiblər. Matçın sonlarında tarazlıq bərpa olunub. 87-ci dəqiqədə Dieqo Lyorente qonaqları məyus edib – 1:1. Qalan vaxtda qol vurulmayıb. “Liverpul” 53 xalla 6-cı pillədədir. “Lids” 46 xalla 10-cudur. Turnir cədvəlinə 74 xalla “Mançester Siti” başçlıq edir.